சீனாவில் படகு கவிழ்ந்ததில் 10 பேர் உயிரிழப்பு

சீனாவின்  ஸாங்கே (Zangke) ஆற்றில் பயணிகளுடன் சென்ற படகு ஒன்று நேற்றுக் (19) காலை திடீரென கவிழ்ந்து விபத்துக்குள்ளானதில்  10 பேர் மரணமடைந்துள்ளதாகத் தெரிவிக்கப்பட்டுள்ளது.

அதிகமான பயணிகளை ஏற்றிச்சென்றமையே இவ்விபத்துக்கான காரணமாகக் கூறப்படுகின்றது.

இந்நிலையில் இதுவரை 40 பேர் வரை மீட்கப்பட்டுள்ளனர் எனவும்  அவர்களில் 10 பேர் நீரில் மூழ்கி உயிரிழந்ததாகவும், 5 பேர் மாயமாகியுள்ளனர் எனவும்  தகவல்கள் தெரிவிக்கின்றன.

இப்படகில் மாணவர்கள் பலர் இருந்ததாகக்  கூறப்படுகிறமை குறிப்பிடத்தக்கது. இன்னும் சிலர், பாதுகாப்பு அங்கிகளை அணிந்திருக்கவில்லை என்றும் அந்நாட்டு ஊடகங்கள் செய்தி வெளியிட்டுள்ளன.