சிவகார்த்திகேயன் - நயன்தாரா திரைப்படத்தின் தலைப்பு இன்று

சிவகார்த்திகேயன் -  நயன்தாரா ஆகியோர் நடிக்கவுள்ள புதிய திரைபடத்தின் தலைப்பை இயக்குநர் மோகன்ராஜா, இன்று வெளியிடவுள்ளதாக இசையமைப்பாளர் அனிருத் தெரிவித்துள்ளார்.

சிவகார்த்திகேயன் நடித்த எதிர்நீச்சல், மான்கராத்தே போன்ற திரைப்படங்களுக்கு இசையமைத்து ஹிட் கொடுத்த அனிருத், தற்போது ரெமோ திரைப்படத்துக்கும் இசையமைத்துள்ளார்.

தொடர்ந்து சிவகார்த்திகேயன் - நயன்தாரா நடிக்கும் புதிய திரைப்படத்திலும் இசையமைக்க அனிருத் ஒப்பந்தமாகியுள்ளார்.

வேதாளம் திரைப்படத்துக்குப் பிறகு தனது மார்க்கெட் மந்தமாகியிருப்பதால் இந்த திரைப்படத்தின் சூப்பர் ஹிட் பாடல்களை கொடுத்து மீண்டும் பரபரப்பான இசையமைப்பாளராகிவிட வேண்டும் என்று ரெமோவுக்காக அதிகமாக மெனக்கெட்டுள்ளார் அனிருத்.

அத்துடன், சிவகார்த்திகேயன்-நயன்தாரா ஆகிய இருவருக்கும் முந்தைய திரைப்படங்களில் கொடுத்ததை விடவும் மோகன்ராஜா இயக்கும் புதிய திரைப்படத்தில் இன்னும் அதிரடியான பாடல்களை கொடுக்கப்போகிறாராம் அனிருத்.