ஹன்சிகாவுக்கு ராசியான 9...

Menaka Mookandi / 2013 டிசெம்பர் 19 , மு.ப. 07:57 - 0 - {{hitsCtrl.values.hits}}

ஹோட்டல்களில் 9ஆம் எண் கொண்ட அறையை புக் பண்ணச் சொல்வது உண்மைதான். இது எனக்கு ராசியான எண் என்பதால் அப்படிச் சொல்கிறேன், என்று விளக்கமளித்துள்ளார் நடிகை ஹன்சிகா.

நடிகைகளில் ஒவ்வொருவருக்கும் ஒவ்வொரு மூட நம்பிக்கை. அதை சென்டிமென்ட் என்று செல்ல பெருமை கொஞ்சுவார்கள். குறிப்பாக எண்களில் அபார நம்பிக்கை. நடிகை ஹன்சிகாவுக்கு 9ஆம் நம்பர் மீது அபார நம்பிக்கையாம்.

வெளியூர் - உள்ளுர் படப்பிடிப்புகளுக்கு சென்று ஹோட்டல்களில் தங்கும்போது 9ஆம் நம்பர் அறையை கேட்டு வாங்குகிறார். அந்த அறை கிடைக்காவிட்டால் கூட்டு எண் '9' என வரும்படியான அறைகளில்தான் தங்குகிறாராம்.

ஹன்சிகா 9ஆம் நம்பர் அறை கிடைக்காத ஹோட்டல்களில் தங்க மறுத்து வெளியேறி விடுகிறாராம். இதனால் ஹன்சிகாவுக்கு ரூம் போடுவதற்குள் நாக்குத் தள்ளிவிடுகிறதாம் படக்குழுவினருக்கு. இந்த விவகாரம் ஒரு செய்தியாகவும் மீடியாவில் வெளியாக, அதற்கு விளக்கம் கொடுத்துள்ளார் ஹன்சிகா.

அவர் இது குறித்து கூறுகையில், 'என்னைவிட எனது அம்மாவுக்கு அதிர்ஷ்ட விஷயங்களில் நம்பிக்கை அதிகம். '9'ஆம் எண்தான் எனக்கு அதிர்ஷ்டம். நீண்ட நாட்களாகவே 9ஆம் நம்பர் என்னுடன் வருகிறது. பள்ளியில் படித்தபோது என் ரோல் 'நம்பர் 9' எனது வீட்டு நம்பரும் ஒன்பதுதான். கார் லைசென்ஸ் நம்பரை கூட்டினாலும் ஒன்பது வரும்.

எனவேதான் ஹோட்டல்களில் தங்கும்போதுதான் அறை எண் ஒன்பது என்றோ, அல்லது கூட்டு எண் ஒன்பதாக வரும்படியோ பார்த்துக் கொள்கிறேன். இது எனக்கு அதிஷ்ட எண்ணாக இருக்கிறது. இதில் யாருக்கு என்ன பிரச்சினை? இதைப் போய் குறை சொல்கிறார்களே?' என்றார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .