'வேங்கை' வெளியே வருது...

ஆர்பாட்டமில்லாமல் முன்னணி நடிகர்கள் பட்டியலில் இருக்கும் நடிகர் தனுஷின் அடுத்த படம் பற்றி செய்திகள் கசிந்திருக்கின்றன.

இயக்குநர் ஹரியுடன் இணைகின்றார் தனுஷ். இயக்குநர் ஹரி ஏற்கனவே ரஜனிகாந்தினை வைத்து படமொன்றினை இயக்கப்போகிறார் என கதை பரவியிருந்தது. ஆனால் அவருக்கு அந்த சந்தர்ப்பம் கிடைக்கவில்லை. இந்நிலையில்தான் ரஜனியின் மருமகன் தனுஷினை வைத்து 'வேங்கை' என்னும் படத்தினை இயக்குகிறார் ஹரி.

வேங்கை படத்தில் தனுஷுக்கு ஜோடியாக தமன்னா நடிக்கிறார். இப்படத்திற்கு முதலில் 'அருவா' என்று பெயர் வைத்திருந்தார்கள். இந்தப்பெயர் பற்றி விமர்சனங்கள் எழுந்ததால் 'வேங்கை' என இப்பொழுது பெயர் வைத்திருக்கிறார்கள்.

வேங்கை படத்தின் கதை பற்றி இயக்குநர் ஹரி குறிப்பிடுகையில்... 'கோபப்படுகிறவன் அரிவாள் எடுத்தால் தப்பு. காவல்காரன் அரிவாள் எடுத்தால் தப்பில்லை...' என்று ஒருவரியில் கதையினை கூறியிருக்கிறார். வேங்கை படத்தில் கோபக்கார கிராமத்து இளைஞனாக தனுஷ் நடிக்கிறாராம்.