விஷாலுக்கான ரேஸில் சமீரா முதலிடம்...

பிரபுதேவாவின் இயக்கத்தில் வெளிவரவுள்ள புதிய படத்தில் விஷால் கதாநாயகனாக தெரிவுசெய்யப்பட்டுள்ள நிலையில் அவருக்கான நடிகை ரேஸில் வெற்றியீட்டியிருப்பவர் வாரணம் ஆயிரம் புகழ் சமீரா ரெட்டி.

விஷாலுக்கு ஜோடி தேடுவதில் பிரபுதேவா தலையைப் பிய்த்துக்கொண்டிருந்த நிலையில் அதற்கான ரேஸில் இடம்பிடித்தவர்கள் ஹன்சிகா, அமலா பால், த்ரிஷா, தப்ஸீ, காஜல், அனுஷ்கா என்பவர்களாவர். இருப்பினும் அந்த ரேஸில் எதிர்பாராமல் வந்து முந்திக் கொண்டவர் சமீரா ரெட்டி.

ஜீ.கே பிலிம் கூட்டுத்தாபனம் தயாரிக்கும் இந்தப் படத்துக்கு இன்னமும் பெயரிடப்படவில்லையாம். தற்போது பாலாவின் அவன் இவனில் திருநங்கை வேடத்திலும், அதேநேரம் ஆக்ஷன் வேடத்திலும் நடித்து வருகிறார் விஷால். டிசம்பர் முதல் வாரத்தில் இவரது அவன் இவன் வேலைகள் முடிந்துவிடுகிறதாம்.

அதன் பிறகு டிசம்பர் 9ஆம் திகதி கொல்கத்தாவில் பிரபுதேவாவின் புதிய படத்துக்கான படப்பிடிப்புக்கள் ஆரம்பமாகவுள்ள நிலையில் விசாலும் சமீராவும் அங்கு பிரசன்னமாகவுள்ளார்களாம்.