அட்லி இயக்கத்தில் தல 58?

நடிகர் அஜீத், சிறுத்தை சிவா இயக்கத்தில் தல57 திரைப்படத்தில் நடிக்கவுள்ளார். இந்த திரைப்படத்தின் பூஜை அண்மையில் நடைபெற்றது. விரைவில் படப்பிடிப்பை ஆரம்பிக்க உள்ளனர்.

இந்தநிலையில், அஜீத்தின் அடுத்த திரைப்படத்தை (தல58) இயக்குநர் அட்லி இயக்கவுள்ளதாக கோடாம்பாக்கத்தில் பேச்சு அடிபடுகின்றது.

எனினும் அட்லிக்கு நெருக்கமான நபர்களிடம் இதுபற்றி கேட்டபோது, 'அப்படியொரு வதந்தியை நாங்களும் கேள்விப்பட்டோம்' என்று மட்டும் வாய் திறக்கின்றனர்.

விஜய்யை வைத்து அட்லி இயக்கிய தெறி திரைப்படத்தின் இரண்டாம் பாகத்தை அட்லி இயக்கவுள்ளதாகவும் முன்னர் செய்தி வெளியாகியிருந்தது.

இது தொடர்பில் அட்லி, அதிகாரபூர்வமாக அறிவிக்கும்வரை நாம் காத்திருக்கத்தான் வேண்டும்.