கமல் மகளுக்கு அம்மாவாகும் நயன்தாரா?

ஏ.ஆர். முருகதாஸ் இயக்கத்தில் ரஜினிகாந்த் பொலிஸ் அதிகாரியாக நடிக்கும் திரைப்படத்தில், அவருக்கு ஜோடியாக நயன்தாரா நடிக்கவுள்ளார். இதன் படப்பிடிப்பு, நாளை (10) தொடங்கவுள்ளது. இந்நிலையில், இத்திரைப்படம் பற்றி புது தகவல்கள் வெளியாகி வருகின்றன.

'பாபநாசம்' திரைப்படத்தில், கமல்ஹாஸனின் மகளாக நடித்த நிவேதா தோமஸ், முருகதாஸின் திரைப்படத்தில், ரஜினிக்கு மகளாக நடிக்கவுள்ளார். இந்நிலையில், 34 வயதாகும் நயன்தாரா, 23 வயது நிவேதாவுக்கு அம்மாவாக நடிக்க எப்படி ஒப்புக் கொண்டார் என்ற கேள்வி எழுந்துள்ளது.

ஹீரோயினுக்கு முக்கியத்துவம் உள்ள திரைப்படங்களில் மட்டுமே நடித்துவந்த நயன்தாரா, தனது கொள்கையைத் தளர்த்தி, பெரிய ஹீரோக்களுக்கு ஜோடியாக நடித்து வருகிறார். இந்நிலையில் அவர், தன்னை விட 11 வயதே சிறியவருக்கு அம்மாவாக நடிக்க ஒப்புக் கொண்டதற்கான காரணம் என்னவென்று,  திரையுலகத்தினர் கேள்வி எழுப்பி வருகின்றனர்.