மாமாவுக்கு டிரம்ஸ் வாசிக்கும் குமாரு

இசையமைப்பாளரும் நடிகருமான ஜி.வி.பிரகாஷ் குமார், எம்.ராஜேஷ் இயக்கத்தில் கடவுள் இருக்குறான் குமாரு என்ற திரைப்படத்தில் நடித்து வருகிறார்.

படப்பிடிப்பு கிட்டத்தட்ட முடிந்துவிட்ட நிலையில் அவர் தற்போது ராஜீவ் மேனன் இயக்கத்தில் உருவாகும் திரைப்படத்துக்கு தயாராகி வருகிறார்.

இந்நிலையில் ராஜீவ்மேனன் திரைப்படத்தில் ஜி.வி.பிரகாஷ், டிரம்ஸ் வாசிக்கும் கலைஞராக நடிக்கவுள்ளதாக படக்குழுவினர்களுக்கு நெருக்கமானவர்களிடம் இருந்து தகவல் வெளியாகியுள்ளது.

இந்த திரைப்படத்தில் ஜி.வி.பிரகாஷின் மாமாவும் ஒஸ்கார் விருது வென்றவருமான ஏ.ஆர்.ரஹ்மான் இசையமைக்கவுள்ளார்.

ஜி.வி.பிரகாஷ் ஜோடியாக சாய்பல்லவி நடிக்கவுள்ள இந்த திரைப்படத்தின் படப்பிடிப்பு வரும் செப்டெம்பர் மாதம்  தொடங்கவுள்ளது.