ஸ்ரீ மதுர கணபதி ஆலய மகா கும்பாபிஷேகம்

 மத்திய மாகாணம், நுவரெலியா மாவட்டத்தின் பதுளை வீதியில் அமைந்துள்ள ஸ்ரீ மதுர கணபதி ஆலயத்தின் புணராவர்த்தன அஷ்டபந்தன மகா கும்பாபிஷேகப் பெருவிழா புதன்கிழமை (25) அன்று  மிக விமர்சையாக நடைபெற்றது.

முக்கிய நிகழ்வுகள்:

• தலைமைத்துவம்: அகில இலங்கை ஐக்கிய இந்து மாமன்றத் தலைவரும், கும்பாபிஷேகப் பிரதம குருவுமான சிவஸ்ரீ மாணிக்கம் தர்மலிங்கம் குருக்கள் தலைமையில் இவ்விழா நடைபெற்றது. ஆலய உரிமையாளர் அனுரத் அபேரத்ன குடும்பத்தினர் மற்றும் நிர்வாக சபையினரின் வழிநடத்தலில் பூஜைகள் ஒழுங்கமைக்கப்பட்டிருந்தன.
• யாக பூஜைகள்: இன்று புதன்கிழமை (25) காலை 07:30 மணிக்கு விசேட யாக பூஜைகள் ஆரம்பமாகி, அதனைத் தொடர்ந்து பூர்ணாகுதி நிகழ்வுகள் இடம்பெற்றன.
• கும்பாபிஷேகம்: காலை 09:30 மணி முதல் 10:45 மணி வரையிலான சுப வேளையில், விமானக் கலசங்களுக்குப் புனித கும்ப நீர் ஊற்றப்பட்டு அபிஷேகம் செய்யப்பட்டது.
• மூலாலயப் பிரவேசம்: இதனைத் தொடர்ந்து மூலாலயத்தில் வீற்றிருக்கும் ஸ்ரீ மதுர கணபதிப் பெருமானுக்கு மகா கும்பாபிஷேகம் நடைபெற்றது. பக்தர்கள் "அரோகரா" கோஷமிட, மங்கள வாத்தியங்கள் முழங்க கும்பாபிஷேகம் இனிதே நிறைவேறியது.
• விசேட பூஜைகள்: கும்பாபிஷேகத்தைத் தொடர்ந்து கோமாதா பூஜை மற்றும் தசமங்கல தரிசனம் என்பன நடைபெற்றன.
• அன்னதானம்: மகா அபிஷேகம் மற்றும் மகேஸ்வர பூஜையைத் தொடர்ந்து, வருகை தந்திருந்த அடியார்கள் அனைவருக்கும் அன்னதானம் வழங்கப்பட்டது.

  கஜரூபன் திவ்யா