வரலாற்றில் இன்று: ஜூலை 06

1785: அமெரிக்காவின் நாணயமாக டொலர் ஏகமனதாக தெரிவுசெய்யப்பட்டது.

1885: விசர்நாய் கடிக்கு எதிரான தடுப்பு மருந்தை லூயிஸ் பாச்சர் வெற்றிகரமாக சோதித்தார்.

1892: பிரித்தானிய நாடாளுமன்ற உறுப்பினராக தெரிவான முதல் இந்தியர் எனும் பெருமையை தாதாபாய் நாரோஜி பெற்றார்.

1944: அமெரிக்காவின் கனக்டிகட் மாநிலத்தில் இடம்பெற்ற தீவிபத்தினால் 168 பேர் பலியாகினர்.

1947: சோவியத் யூனியனில ஏகே 47 ரக துப்பாக்கி; தயாரிப்பு ஆரம்பிக்கப்பட்டது.

1957: அல்தியா கிப்ஸன், விம்பிள்டன் டென்னிஸ் சம்பியன் பட்டம் வென்ற முதல் கறுப்பின வீராங்கனையானார்.

1964: பிரிட்டனிடமிருந்து மாலாவி சுதந்திரம் பெற்றது.

1967: பயாப்ரா பிராந்தியத்திற்குள் நைஜீரியா படையெடுத்தது. பயாப்ரா யுத்தம் ஆரம்பம்.

1975: பிரான்ஸிடமிருந்து கெமரோஸ் சுதந்திரம் பெற்றது.

1988: வட கடலில் பைப்பர் அல்பா எனும் எண்ணெய் அகழ்வு நிலையமொன்றில் ஏற்பட்ட தீவிபத்தினால்  167 பேர் பலி.

2005: ​இலண்டன் நகரம், 2012ஆம் ஆண்டின் ஒலிம்பிக் விளையாட்டுகளை நடத்தத் தேர்ந்தெடுக்கப்பட்டது.

2006: 44 ஆண்டுகளுக்கு முன்னர் இந்தோ-சீனப் போரின் போது மூடப்பட்ட சிக்கிமையும் திபெத்தையும் இணைக்கும் நதுலா பாலம் மீண்டும் திறக்கப்பட்டது.