கல்முனையில் விபத்து; ஒருவர் பலி; இருவர் காயம்

(எஸ்.எல்.எ.அஸீஸ்)

கல்முனை பிரதான வீதியில் இடம்பெற்ற வாகன விபத்துச் சம்பவமொன்றில் ஒருவர் உயிரிழந்துள்ளதுடன் மேலும் இருவர் காயமடைந்துள்ளனர்.

நேற்று நள்ளிரவு 12 மணியளவில் சாய்ந்தமருதிலிருந்து கல்முனை நோக்கி பயணித்துக்கொண்டிருந்த மோட்டார் சைக்கிளொன்று குறித்த பகுதியில் வைத்து மின்கம்பத்தில் மோதி விபத்துக்குள்ளானது.

இந்த விபத்தில் மோட்டார் சைக்கிளை ஓட்டிவந்த சாய்ந்தமருது பிரதேசத்தின் மாளிகைக்காடு கிராமத்தைச் சேர்ந்த 19 வயதையுடைய எஸ்.எம்.நியாஸ் என்பவர் ரே மரணமடைந்துள்ளார்.

மேலும் இவ்விபத்தில் சிக்கிய இருவரும் படுகாயமடைந்த நிலையில் கல்முனை அஸ்ரப் ஞாபகார்த்த வைத்திய சாலையில் அனுமதிக்கப்பட்டுள்ளனர்.