கல்முனை ஆதார வைத்தியசாலை பணிப்பாளரை இடமாற்றக் கோரி ஆர்ப்பாட்டம்

(க.சரவணன்)

கல்முனை ஆதார வைத்தியசாலை பணிப்பாளரை இடமாற்றக் கோரி இன்று புதன்கிழமை கல்முனை ஆதார வைத்தியசாலையின் முன்னால் ஆர்ப்பாட்டம் ஒன்று இடம்பெற்றது.

கல்முனை ஆதார வைத்தியசாலையின் விழிப்புணர்வு குழவினரால் நடத்தப்பட்ட இவ் ஆர்ப்பாட்டத்தில், மழையையும் பொருட்படுத்தாமல் பெருமளவிலான பொதுமக்கள் கலந்துகொண்டனர்.

காலை 10 மணிக்கு ஆரம்பமான இந்த ஆர்ப்பாட்டமானது 10.30 மணியளவில் நிறைவடைந்தது.

இதேநேரம், இந்த ஆர்ப்பாட்டத்து இடத்துக்கு வருகை தந்த அம்பாறை மாவட்ட நாடாளுமன்ற உறுப்பினர் பியசேன, வைத்திய பணிப்பாளருக்கு ஆதரவாக கருத்து தெரிவித்ததாக கூறி அவருக்கு எதிராகவும் கோஷங்கள் எழுப்பப்பட்டன.