மருதமுனையில் 'வாழும்போதே வாழ்த்துவோம்'

(ஹனீக் அஹமட்)

சுயாதீன தேசிய முன்னணி மற்றும் ஸ்ரீலங்கா இஸ்லாமிய சமூக சேவைகள் அமைப்பு ஆகியவை இணைந்து 'வாழும்போதே வாழ்த்துவோம்' எனும் நிகழ்வொன்றினை எதிர்வரும் வெள்ளிக்கிழமை மருதமுனை அஷ்ரப் மண்டபத்தில் நடத்தவுள்ளதாக அறிவிக்கப்பட்டுள்ளது.

சுயாதீன தேசிய முன்னணியின் தலைவரும், சட்டத்தரணியுமான இஸ்மாயில் பி. மஆரிஃப் தலைமையில் இடம்பெறவுள்ள இவ்வைபவத்தில் நாடாளுமன்ற உறுப்பினர் எம்.ரி. ஹசன் அலி மற்றும் முன்னாள் அமைச்சர் எம்.எச்.சேகு இஸ்ஸதீன் ஆகியோர் பிரதம அதிதிகளாகக் கலந்து கொள்ளவுள்ளனர்.

இதன்போது, பல முக்கியஸ்தர்கள் பாராட்டி கௌரவிக்கப்படவுள்ளனர். வைபவத்தில் மாகாணசபை உறுப்பினர்கள் மற்றும் முக்கியஸ்தர்கள் பலர் அதிதிகளாகக் கலந்து கொள்ளவுள்ளனர்.