நிவாரணப் பொருட்கள் கிடைக்கவில்லையென புகார்

(ஹனீக் அஹமட்)

கல்முனை முஸ்லிம் பிரதேச செயலாளர் பிரிவிற்குட்பட்ட பகுதியில்; வெள்ளத்தால் பாதிக்கப்பட்ட மக்களுக்கு இதுவரையில் எந்தவித  நிவாரணப் பொருட்களும் வழங்கப்படவில்லையென பாதிக்கப்பட்ட மக்கள் புகார் தெரிவிக்கின்றனர்.

இதேவேளை, தொடர்ந்து பெய்து வரும் அடை மழை வெள்ளத்தால் பாதிக்கப்படுவோரின் தொகை அதிகரித்து வருவதாகத் தெரிவிக்கப்படுகிறது.

இப்பிரதேசத்தில் வெள்ளத்தால் 10,000 குடும்பங்கள் பாதிக்கப்பட்டுள்ளதாகத் தெரிவிக்கப்படுகிறது.

இது குறித்து நாம் கல்முனை முஸ்லிம் பிரதேச செயலாளர் எம்.எம். நௌபலிடம் வினவியபோது, வெள்ளத்தால் பாதிக்கப்பட்ட 10 ஆயிரம் குடும்பங்களினதும் விபரங்களை தாம் மாவட்ட செயலாளருக்கு அறிவித்துள்ளதாகக் குறிப்பிட்டார்.