அட்டாளைச்சேனை கோட்டப் பாடசாலைகளுக்கிடையிலான ஆங்கில மொழி தினப் போட்டி

(ஹனீக் அஹமட்)

அட்டாளைச்சேனை கோட்டப் பாடசாலைகளுக்கிடையிலான ஆங்கில மொழித் தினப் போட்டி இன்று புதன்கிழமை அட்டாளைச்சேனை அறபா வித்தியாலயத்தில் இடம்பெற்றது.

இப்போட்டியில் அட்டாளைச்சேனை கோட்டத்திலுள்ள ஒலுவில், பாலமுனை, அட்டாளைச்சேனை ஆகிய பகுதிகளைச் சேர்ந்த 22 பாடசாலைகளின் மாணவர்கள்  போட்டிகளில் கலந்து கொண்டனர்.

அட்டாளைச்சேனை கோட்டக் கல்விப் பணிப்பாளர் என்.கே.எம். இப்றாகிம் தலைமையில்  நடைபெற்ற இந் நிகழ்வில் ஆங்கிலப் பாட உதவிக் கல்விப் பணிப்பாளர் பீ.எம். அபுல்ஹசன் பிரதம அதிதியாக கலந்துக்கொண்டார். மற்றும் அல் முனீறா பெண்கள் உயர் பாடசாலை அதிபர் கே.எம். சுபைர், அறபா வித்தியாலய அதிபர் எம்.ஐ. அப்துல் சலாம் மற்றும் தேசிய பாடசாலை அதிபர் எம்.ஏ.சி. கஸ்ஸாலி ஆகியோரும் இதன்போது கலந்து கொண்டனர்.