முன்பள்ளி ஆசிரியைகளுக்கு புகைத்தல் தடுப்பு விழிப்புணர்வு

(ஹனீக் அஹமட்)

சர்வதேச புகைத்தல் எதிர்ப்பு தினத்தினையொட்டி முன்பள்ளி ஆசிரியைகளுக்கு - புகைத்தல், மதுபாவனை தடுப்பு பற்றிய விழிப்புணர்வுக் கருத்தரங்கொன்று மருதமுனை சம்ஸ் மத்திய கல்லூரியில் நேற்று ஞாயிற்றுக்கிழமை நடைபெற்றது.

இந்நிகழ்வில் பிராந்திய உணவு, மருந்து பரிசோதகரும் - அகில இலங்கை வை.எம்.எம்.ஏ. பேரவையின் போதைப் பொருள் தடுப்புப் பணிப்பாளருமான எஸ்.தஸ்தகீர் வளவாளராகக் கலந்து கொண்டு பங்குபற்றுநர்களுக்கு மதுபாவனைத் தடுப்புப் பற்றிய விளக்கங்களை வழங்கினார்.

நிகழ்வுக்கு அனுசரணை வழங்கிய நபீல் பௌண்டேசன் ஸ்தாபகரும் தொழிலதிபருமான எம்.என்.எம்.நபீல் நிகழ்வில் விருந்தினராகக் கலந்து கொண்டு, ஆசிரியைகளுக்கு சான்றிதழ்களை வழங்கி வைத்தார்.

கடந்த மே மாதம் 31ஆம் திகதி சர்வதேச புகைத்தல் எதிர்ப்பு தினம் உலகளாவிய ரீதியில் அனுஷ்டிக்கப்பட்டமை குறிப்பிடத்தக்கது.