அதிகாரமற்றவரின் கையொப்பத்திற்கு எதிரான விசாரணைகள் ஆரம்பம்

(ஹனீக் அஹமட்)

சம்மாந்துறை கல்வி வலயத்துக்குட்பட்ட பாடசாலைகளில் கடமையாற்றும் ஆசிரியர்களுக்கு அனுப்பி வைக்கப்பட்ட உள்ளக இடமாற்றக் கடிதங்களில் கையொப்பமிட்டிருந்த பிரதிக் கல்விப் பணிப்பாளர் - அந்தக் கடிதங்களில் தனது பதவியினை வெளிப்படுத்தும் வகையில் பயன்படுத்தியிருந்த ரப்பர் முத்திரையினை மாற்றியுள்ளார்.

மேற்படி உள்ளக இடமாற்றக் கடிதங்களில் குறித்த பிரதிக் கல்விப் பணிப்பாளர் கையொப்பமிடுவதற்கு அதிகாரமில்லை என்று இடமாற்றக் கடிதங்களைப் பெற்றுக் கொண்ட ஆசிரியர்கள் சிலரால் எதிப்புத் தெரிவிக்கப்பட்ட அதேவேளை இவ்விடயம் குறித்து கட்டுரைகளும் வெளிவந்திருந்தன.

இதேவேளை, இவ்வாறான இடமாற்றக் கடிதங்களில் வலயக் கல்விப் பணிப்பாளர்களே நேரடியாகக் கையொப்பமிட வேண்டும் என அறிவுறுத்தல் வழங்கப்பட்ட போதிலும், கிழக்கு மாகாணத்திலுள்ள ஒரு வலயக் கல்வி அலுவலகத்தில் அதிகாரமற்ற ஒருவர் ஒப்பமிட்ட விடயம் தனது கவனத்துக்குக் கொண்டுவரப்பட்டுள்ளதாகவும், இது குறித்து விசாரணை நடத்தப்படுவதாகவும் கிழக்கு மாகாண கல்வி அமைச்சின் செயலாளர் என்.ஏ.ஏ.புஸ்பகுமார ஊடகங்களுக்குத் தெரிவித்துள்ளமை இங்கு குறிப்பிடத்தக்கது.

ஏற்கனவே, பிரஸ்தாப பிரதிக் கல்விப் பணிப்பாளர் தன்னுடைய ரப்பர் முத்திரையில் இருந்த ஆங்கில வாசகங்களுக்கிடையில், 'வலயக் கல்விப் பணிப்பாளருக்காக' (for Zonal Director of Education) எனும் வாசகத்தினைப் புதிதாகச் சேர்த்துக் கொண்டுள்ளார்.