அட்டாளைச்சேனை மஸ்ஜிதுல் பலாஹ் பள்ளிவாயல் புனரமைப்பிற்கான நிதி அன்பளிப்பு

(ஹனீக் அஹமட்)

அட்டாளைச்சேனை மஸ்ஜிதுல் பலாஹ் பள்ளிவாயலின் (சின்னப் பள்ளிவாயல்) புனரமைப்பிற்கான ஒரு தொகுதி நிதியை அம்பாறை மாவட்ட  நாடாளுமன்ற உறுப்பினர் பைசால் காசிம் தனது சொந்த நிதியிலிருந்து அன்பளிப்பாக வழங்கினார்.

நாடாளுமன்ற உறுப்பினர் பைசால் காசிமை, மஸ்ஜிதுல் பலாஹ் பள்ளிவாயல் நிர்வாகத்தினர் இன்று ஞாயிற்றுக்கிழமையன்று அவரின் இல்லத்தில் சந்தித்துபோதே மேற்படி நிதித் தொகையை அவர் வழங்கினார்.

இதன்போது, பள்ளிவாயல் நிர்வாகத்தினர் - நாடாளுமன்ற உறுப்பினருக்கு தமது நன்றிகளையும், வாழ்த்துக்களையும் தெரிவித்துக் கொண்டதோடு, மஸ்ஜிதுல் பலாஹ் பள்ளிவாசலுக்கு அவர் தொடர்ச்சியாக வழங்கிவரும் நிதி மற்றும் பொருளாதாரப் பங்களிப்புகளையும் நினைவு கூர்ந்தனர்.

இதற்கு முன்பு நாடாளுமன்ற உறுப்பினர் பைசால் காசிம் தனது பன்முகப்படுத்தப்பட்ட நிதி ஒதுக்கீட்டிலிருந்து குறித்த பள்ளிவாயலுக்கு ஒலிபெருக்கித் தொகுதியொன்றைப் பெற்றுக் கொடுத்திருந்தமை குறிப்பிடத்தக்கது.