சம்மாந்துறை பிரதேச சபை பட்ஜெட் நிறைவேற்றம்

எம்.எம்.ஜபீர், எம்.எஸ்.எம். ஹனீபா

சம்மாந்துறை பிரதேச சபையின் 2022ஆம் ஆண்டுக்கான வரவு- செலவுத் திட்டம் (பட்ஜெட்) ஏகமனதாக நிறைவேற்றப்பட்டது.

சம்மாந்துறை பிரதேச சபையின் 45ஆவது அமர்வு, தவிசாளர் ஏ.எம்.முஹம்மட் நௌஷாட் தலைமையில், சபா மண்டபத்தில் இன்று (16) நடைபெற்றது.

இதன்போது வழமையான சபை நடவடிக்கையைத் தொடர்ந்து தவிசாளரால் பிரதேச சபையின் 2022ஆம் ஆண்டுக்கான வரவு - செலவுத்திட்டம் சமர்பிக்கப்பட்டது.

அகில இலங்கை மக்கள் காங்கிரஸ், ஸ்ரீ லங்கா சுதந்திர கட்சி மற்றும் ஐக்கிய தேசிக் கட்சி ஆகிய 3 கட்சிகளை பிரதிநித்துவப்படுத்தும் 20 உறுப்பினர்களை கொண்ட சபையின் வரவு - செலவுத்திட்டம் ஏகமனதாக நிறைவேற்றப்பட்டது.

இந்த வரவு செலவுத் திட்டமானது சம்மாந்துறை பிரதேச மக்களின் பங்களிப்புடன் தேவைகளையும் நலனையும் முன்னுரிமைப்படுத்தி, மக்களின் கருத்துகளையும், துறைசார் நிபுணர்களின் ஆலோசனை அடங்கிய வரவு - செலவுத்திட்டம் என்பதால் பிரதேச சபையின் சகல உறுப்பினர்களின் ஏகமனதான தீர்மானத்து, வெற்றிகரமாக நிறைவேற்றப்பட்டதாக, தவிசாளர் தெரிவித்தார்.