மாகாண மட்ட விருதுக்கு கல்முனை நூலகம் தெரிவு

தேசிய நூலக ஆவணமாக்கல் சேவைகள் சபையின் மாகாணமட்ட விருதுக்கு, கல்முனை ஏ.ஆர்.மன்சூர் பொது நூலகம் தெரிவுசெய்யப்பட்டுள்ளது.

தேசிய வாசிப்பு மாதத்தை முன்னிட்டு, கிழக்கு மாகாணத்திலுள்ள மாநகர சபைகளுக்குட்பட்ட பொது நூலகங்கள் மத்தியில், நூல்களைச் சிறந்த முறையில் பேணிப் பாதுகாத்தல் எனும் விடயத்தில், முதற்தர நூலகமாக ஆவணமாக்கல் சேவைகள் சபையால் தெரிவுசெய்யப்பட்டு, மேற்படி விருதுக்குப் பரிந்துரைக்கப்பட்டுள்ளது.

பத்தரமுல்லையில், எதிர்வரும் புதன்கிழமை (31), கல்முனை பொது நூலகத்துக்கான விருது வழங்கப்படவிருப்பதாக, தேசிய நூலக ஆவணமாக்கல் சேவைகள் சபையின் தவிசாளர் பி.எம்.தீபால் சந்திரபால அறிவித்துள்ளார்.