சுவாமி கைலாசநந்த் கிரிஜி திருக்கேதீஸ்வரதிற்கு விஜயம்

இந்தியாவில் இருந்து இலங்கைக்கு  வருகை தந்த சுவாமி கைலாசநந்த் கிரிஜி மஹராஜ் தலைமையிலான குழுவினர்   செவ்வாய்க்கிழமை (24) காலை விசேட உலங்குவானூர்தி மூலம்   மன்னாரிற்கு வருகை தந்தனர்.

மன்னார் தள்ளாடி விமான ஓடு தளத்திற்கு வருகை தந்த குறித்த குழுவினர் மன்னார் மாவட்டத்தில் பாடல் பெற்ற திருத்தலங்களில் ஒன்றான திருக்கேதீஸ்வரம் திருத்தலத்திற்கு விஜயம் செய்தனர்

குறித்த குழுவினர் திருக்கேதீஸ்வர ஆலயத்தின் பிரதம குரு கருணானந்த குருக்கள் மற்றும் திருக்கேதீஸ்வர ஆலய நிர்வாகத்தினரை சந்தித்து கலந்துரையாடியுள்ளனர். 

பின்னர் விசேட பூஜை வழிபாடுகளில் கலந்து கொண்டதோடு,ஆலயத்தை சுற்றி  பார்வையிட்டுள்ளனர். 

எஸ்.ஆர்.லெம்பேட்