சென்னையில் பயணத் தடை

சென்னை

"சென்னை  348 பகுதிகளாக பிரிக்கப்பட்டு அதற்குள்ளேயே மக்களை இயங்க வேண்டுமெனவும் ஒரு பகுதியிலிருந்து இன்னொரு பகுதிக்குச் செல்ல அனுமதி இல்லையெனவும்  அவ்வாறு செல்ல ஈ-பதிவு கட்டாயம். ஈ-பதிவு இல்லாமல் செல்பவர்கள் அனுமதிக்கப்பட மாட்டார்கள்" என சென்னை பொலிஸார்  அறிவித்துள்ளனர்.

சென்னையில் கொரோனா தொற்றுப்பரவல் மொத்த தமிழக பரவலில் 25% என்கிற அளவில் உள்ளது. தினசரி உயிரிழப்பும் மொத்த தமிழக அளவில் 20% லிருந்து 25% ஆக பதிவாகிறது. சென்னையில் 80 இலட்சத்துக்கு மேற்பட்டோர் வசிக்கும் நிலையில் ஊரடங்கை மதிக்காமல் இருக்கும் போக்கு அதிகரித்துள்ளது.

இதையடுத்து பொதுமக்கள் நடமாட்டத்தை குறிப்பிட்ட பகுதிக்குள்ளேயே சுருக்கி கண்காணிக்கும் புதிய முறையை அமுல்படுத்தியுள்ளனர். சென்னையை 348 பிரிவுகளாக பிரித்து அதற்குள்ளேயே சென்று வர ஈ-பதிவு கட்டாயம் எனத் தெரிவிக்கப்பட்டுள்ளது.