ஆப்கானிஸ்தான் - பாகிஸ்தான் இடையில் போர் நிறுத்தம்

ஆப்கானிஸ்தானுக்கும் பாகிஸ்தானுக்கும் இடையே போர்நிறுத்தம் அமுலுக்கு வந்ததாக ஆப்கானிஸ்தான் அரசாங்க செய்தித் தொடர்பாளர் ஜபிஹுல்லா முஜாஹித் தெரிவித்தார். 

பாகிஸ்​தானில் தீவிர​வாத செயல்​களில் ஈடு​படும் தெஹ்​ரிக்​-இ-தலி​பான்​களுக்கு ஆப்​கானிஸ்​தானில் பயிற்சி அளிக்​கப்​படு​வ​தாக குற்​றம்​சாட்​டி, அந்​நாட்டு எல்​லை​யில் பாகிஸ்​தான் கடந்த வாரம் குண்டு வீசி​யது.

இதற்கு பதிலடி​யாக ஆப்​கன் படை​யினர் நடத்திய தாக்குதலில் பாகிஸ்தான் வீரர்​கள் 58 பேர் இறந்​த​னர். 

இந்நிலையில், காந்​த​கார் பகு​தி​யில் பாகிஸ்​தான் இராணுவம் நேற்று காலை தாக்​குதல் நடத்​தி​ய​து. இதில் ஆப்​கன் மக்​கள் 12 பேர் உயி​ரிழந்​த​னர். 100 இற்கும் மேற்​பட்​டோர் காயம் அடைந்​தனர். 

ஆப்​கன் படைகள் நடத்​திய பதில் தாக்​குதலில் பாகிஸ்தான் வீரர்கள் பலர் உயி​ரிழந்​துள்ளனர். 

இந்நிலையில் 48 மணி நேரத்துக்கு போரை நிறுத்த இரு நாடுகளும் ஒப்புக் கொண்டுள்ளன. (a)