சீனாவுடன் எல்லை தாண்டிய மின் செலுத்துகை

அமெரிக்க உதவி நிறுவனமான மிலேனியம் சலெஞ்ச் கோப்பரேஷனுடன் (எம்சிசி) ராட்மேட் அடிப்படையிலான துணை மின்நிலையத்துடன் மின் இணைப்பை இணைக்க திட்டமிட்டுள்ளதால், திரிசூலி பஜாரில் நேபாள-சீனா எல்லைக்குட்பட்ட டிரான்ஸ்மிஷன் லைன் (மின் செலுத்துகை) திட்டத்தை நேபாள மின்சார அதிகாரசபை கிடப்பில் போட்டுள்ளது. 

எம்சிச உதவி குறித்த சர்ச்சை உச்சத்தில் இருந்தபோது, 2022 இன் ஆரம்பத்தில் முன்னாள் பிரதிநிதிகள் சபையால் அனுமதி அளிப்பதற்கு முன்னர், அதிகார ஏகபோகம் ஒரு தனி உப மின்நிலையத்தை அமைக்க திட்டமிட்டது.

சீனா-அமெரிக்க போட்டியிலிருந்து எல்லை தாண்டிய டிரான்ஸ்மிஷன் லைனைக் காப்பாற்றுவது ஒரு தனி உப மின்நிலையத்தைக் கற்பனை செய்வதற்கு ஒரு காரணம் என நேபாள மின்சார அதிகாரசபையின் அதிகாரிகள் தெரிவிக்கின்றனர்.

ரட்மேட்-ரசுவாகதி-கெருங் டிரான்ஸ்மிஷன் லைன் திட்டத்துக்காக தனி உப மின்நிலையம் எதுவும் கட்டப்படாது என்று அதிகாரசபையின் நிறைவேற்று பணிப்பாளர் குல் மான் கிசிங் போஸ்ட்டிடம் தெரிவித்தார்.
  
நுவாகோட்டின் ராட்மேட்டில் இருந்து 26 கிலோமீற்றர் தொலைவில் உள்ள எல்லை தாண்டிய மின் பாதைக்காக, திரிசூலி நீர்மின் திட்டம் அமைந்துள்ள இடத்துக்கு அருகில், திரிசூலி பஜாரில் ஒரு தனி உப நிலையம் அமைக்கப்பட இருந்தது.

315 கிலோ மீற்றர் நீளமுள்ள 400 கிலோவோட் டிரான்ஸ்மிஷன், நாட்டின் மத்திய மலைப்பகுதியில் எம்சிச வழங்கும் 500 மில்லியன் டொலர் மானியத்துடன் கட்டப்படும். உப மின் நிலையங்களில் ஒன்று ராட்மேட்டில் இருக்கும்.
 
ராட்மேட்-ரசுவாகதி-கெருங் டிரான்ஸ்மிஷன் லைன் நேபாளம் மற்றும் சீனா இடையேயான முதல் இணைப்புத் திட்டமாகும். டிரான்ஸ்மிஷன் லைன் கட்டுமானத்தை விரைவுபடுத்துவதற்காக இரு நாடுகளும் 2018 இல் ஒரு கூட்டு தொழில்நுட்பக் குழுவை அமைத்தன.

நேபாள மின்சார அதிகாரசபை மற்றும் ஸ்டேட் கிரிட் கார்ப்பரேஷன் ஆஃப் சீனாவின் பிரதிநிதிகளை உள்ளடக்கிய ஒரு கூட்டு தொழில்நுட்பக் குழு, கொவிட் தொற்றுநோய் பரவுவதற்கு முன், பரிமாற்ற பாதைக்காக சீனா மற்றும் நேபாளத்தில் இரண்டு சுற்று பேச்சுவார்த்தைகளை நடத்தியது.

சீனாவில் தொடரும் கோவிட் கட்டுப்பாடுகள் காரணமாக சீனாவில் நடைபெறவிருந்த மற்றொரு கூட்டம் நடக்கவில்லை.
 
தற்போது நேபாளத்தில் மின்சாரம் வாங்கவும் விற்கவும் இந்தியா மட்டுமே வெளிநாட்டு சந்தையாக உள்ளது. 10 நீர்மின் திட்டங்களில் இருந்து அதிகபட்சமாக 452 மெகாவோட் மின்சாரத்தை விற்க நேபாளத்திற்கு இந்தியா அனுமதி அளித்துள்ளது.

ரடாமேட் (நேபாளம்) இலிருந்து கெருங் (சீனா) வரையிலான 400 கிலோவோட் டிரான்ஸ்மிஷன் லைன் நேபாளத்திற்கும் சீனாவிற்கும் இடையே மின் வர்த்தகத்தை அனுமதிக்கும் என்று மின்சார அதிகாரசபை அதன் 2021-22 ஆண்டு அறிக்கையில் தெரிவித்துள்ளது.

தற்போது, திட்டத்தின் சுற்றுச்சூழல் தாக்க மதிப்பீட்டு செயல்முறை நடந்து வருகிறது.