பயங்கரவாதிகளின் ஆப்பிரிக்க அணுகலை தடுக்க இந்தியா அழைப்பு

வளங்கள் நிறைந்த பிராந்தியத்தை பயங்கரவாதிகள் உள்ளிட்ட வெளிப்புற சக்திகள் சுரண்டுவதைத் தடுக்க வன்முறையற்ற ஆப்பிரிக்கா அவசியம் என்று வெளியுறவுத்துறை இணை அமைச்சர் வி. முரளீதரன் தெரிவித்தார்.

ஆபிரிக்காவின் பல்வேறு பகுதிகளில், பயங்கரவாதத்துக்கு உதவிய மற்றும் ஆதரித்த குற்றவாளிகள் மற்றும் ஒரே நேரத்தில் வளங்களை சுரண்டுபவர்கள் சர்வதேச சமூகத்தால் பொறுப்புக் கூறப்பட வேண்டும் என்றார்.

"ஆப்பிரிக்காவில் அமைதி மற்றும் பாதுகாப்பு: இயற்கை வளங்களின் சட்டவிரோத கடத்தல் மூலம் ஆயுதக் குழுக்கள் மற்றும் பயங்கரவாதிகளுக்கு நிதியுதவிக்கு எதிரான போராட்டத்தை வலுப்படுத்துதல்" என்ற தலைப்பில் ஐக்கிய நாடுகளின் பாதுகாப்பு சபையில் இந்தக் கருத்துக்களை அவர் தெரிவித்தார்.

சமீபத்திய ஆண்டுகளில், பயங்கரவாத மற்றும் ஆயுதக் குழுக்கள் கண்டத்தில், குறிப்பாக ஆப்பிரிக்காவின் சஹேல் மற்றும் கிழக்கு மற்றும் மத்திய ஆபிரிக்காவில் பாதுகாப்பு இடைவெளிகளையும் பலவீனமான நிர்வாக நிறுவனங்களையும் பயன்படுத்தி ஆழமாக ஊடுருவி வருகின்றன என்று குறிப்பிட்டார்.

வளங்கள் நிறைந்த பிராந்தியத்தை சுரண்டுவதன் மூலம் பயங்கரவாத குழுக்கள் தங்கள் நிதியுதவியை அதிகரிக்கின்றன என்பதை அவர் எடுத்துக்காட்டினார். 

பயங்கரவாத மற்றும் ஆயுதக் குழுக்கள் இயற்கை வளங்களை சட்டவிரோதமாக சுரண்டுதல் மற்றும் வனவிலங்குகளை கடத்தல், மிரட்டி பணம் பறித்தல் போன்றவற்றின் மூலம் தங்கள் நடவடிக்கைகளுக்கு அதிகளவில் நிதியளிக்கின்றன என்றும் குறிப்பிட்டார்.

பயங்கரவாத குழுக்களால் பயன்படுத்தப்படும் புதிய வழிகளை சுட்டிக்காட்டிய அவர், தகவல் மற்றும் தகவல் தொடர்பு தொழில்நுட்பத்தின் விரைவான வளர்ச்சி மற்றும் நிதி பரிவர்த்தனைகள், குறியாக்கம் மற்றும் பல்வேறு போக்குவரத்து மற்றும் விநியோக முறைகள் தொடர்பான பிற தொழில்நுட்பங்களை பயன்படுத்தி இந்த அமைப்புகளின் செயல்பாடுகளுக்கு நிதியளிக்கிறது என்று கூறினார்.

நிதி ஆதாரங்களை அணுகுவதிலிருந்து இந்த விரோதமான அமைப்புகளைத் தடுப்பது "அவர்களின் வன்முறைத் தாக்குதல்களை திறம்பட எதிர்கொள்வதற்கு முக்கியமானது" என்றும் அமைச்சர் கூறினார்.

ஆப்பிரிக்காவின் பல்வேறு பகுதிகளில் அல்-கொய்தா மற்றும் ஐ.எஸ்.ஐ.எல் உடன் தொடர்புடைய பயங்கரவாதக் குழுக்கள் சமீபத்திய ஆண்டுகளில் குறிப்பிடத்தக்க பலம் பெற்றுள்ளன என்றும் 
கைவினைஞர்களின் தங்கம், அரிய கனிமங்கள், இரத்தினக் கற்கள், யுரேனியம், நிலக்கரி, மரக்கற்கள் போன்றவற்றை சட்டவிரோத வர்த்தக வலைப்பின்னல்கள் மூலம் சட்டவிரோதமாக அகழ்வுகளில் ஈடுபடுவதாகவும குறிப்பிட்டார்.

அல்-ஷபாப் போன்ற பயங்கரவாதக் குழுக்கள் தங்களது பயங்கரவாத நடவடிக்கைகளுக்கு ஆதரவாக விரிவான வருவாய் சேகரிப்பு வலையமைப்புகளை அமைத்துள்ளன. கவனிக்கப்படாமல் விட்டால், ஏற்கெனவே ஆயுத மோதல்களால் பாதிக்கப்பட்டுள்ள ஆப்பிரிக்காவின் பல பகுதிகளில் அமைதி வாய்ப்புகளை பயங்கரவாதம் கடுமையாக பாதிக்கலாம் என்று அவர் மேலும் கூறினார்.

இரண்டாவதாக, ஐ.எஸ்.ஐ.எல் மற்றும் அல்-கொய்தா இணைக்கப்பட்ட மற்றும் ஆபிரிக்காவில் உள்ள உத்வேகம் பெற்ற குழுக்கள் பல உள்நாட்டு மோதல்களில் தங்களை உட்பொதித்து, அரசியல் நிகழ்ச்சி நிரலில் செல்வாக்கு செலுத்தவும் கட்டுப்படுத்தவும் முயற்சிக்கின்றன.
 
எப்ஏடிஎஃப் மற்றும் ஐக்கிய நாடுகளின் பயங்கரவாத எதிர்ப்பு அலுவலகம் (யுஎன்ஓசிடி) உட்பட பல்வேறு ஐநா அமைப்புகளுக்கு இடையே அதிக ஒத்துழைப்பு உறுப்பு நாடுகளுக்கு பயனளிக்கும் என்று நாங்கள் நம்புகிறோம் என்றும் அவர் தெரிவித்தார்.

இயற்கை வளங்கள் மற்றும் வர்த்தகத்தின் சட்டவிரோத சுரண்டலை எதிர்த்துப் போராடுவதற்கான திறனை வலுப்படுத்த ஆப்பிரிக்க நாடுகளுக்கு சர்வதேச சமூகம் உதவ வேண்டும் என்றும் அமைச்சர் முரளீதரன் கோரிக்கை விடுத்தார்.