யாழ். பல்கலைக்கழக அணி வெற்றி

Super User / 2014 மார்ச் 26 , மு.ப. 08:24 - 0 - {{hitsCtrl.values.hits}}

-நா.நவரத்தினராசா, கனகரத்தினம் கனகராஜ்

யாழ்ப்பாணப் பல்கலைக்கழக விளையாட்டு அவையினால் நடத்தப்பட்ட 50 பந்துபரிமாற்றங்கள் கொண்ட துடுப்பாட்டச் சுற்றுப்போட்டியில் யாழ்ப்பாணப் பல்கலைக்கழக அணி 85 ஓட்டங்களால் வெற்றிபெற்றது.

யாழ்ப்பாணப் பல்கலைக்கழக மைதானத்தில் நடைபெற்று வரும் இச்சுற்றுப்போட்;டியில் திங்கட்கிழமை (24) நடைபெற்ற போட்டியில் தெல்லிப்பளை கிறாஸ் கொப்பர்ஸ் அணியினை வீழ்த்தியே யாழ்ப்பாணப் பல்கலைக்கழக அணி வெற்றிபெற்றது.

முதலில் துடுப்பெடுத்தாடிய யாழ்ப்பாணப் பல்கலைக்கழக அணி 48.1 பந்துபரிமாற்றங்களில் அனைத்து இலக்குகளையும் இழந்து 214 ஓட்டங்களைப் பெற்றுக்கொண்டது. துடுப்பாட்டத்தில் எஸ்.அச்சுதன் 40, என்.சற்குணேஸ்வரன் 39, விஸ்ணுராம் 31, யோகேஸ்வரன் 20 ஓட்டங்களையும் பெற்றுக்கொடுத்தனர்.

பந்துவீச்சில் கிறாஸ்கொப்பர் அணி சார்பாக எஸ்.கபிலன் 4 (27) இலக்குகளைக் கைப்பற்றினார்.

215 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடக் களமிறங்கிய கிறாஸ்கோப்பர் அணி 35.2 பந்துபரிமாற்றங்களில் 120 ஓட்டங்களை மாத்திரம் பெற்றது. துடுப்பாட்டத்தில் சரன்ராஜ் 56 ஓட்டங்களைப் பெற்றுக்கொடுத்தார்.

பந்துவீச்சில் பல்கலைக்கழக அணி சார்பாக எஸ்.அச்சுதன் 4 (27) இலக்குகளைக் கைப்பற்றினார்.

இந்தப் போட்டியின் ஆட்டநாயகனாக யாழ்ப்பாணப் பல்கலைக்கழக அணியின் எஸ்.அச்சுதன் தெரிவு செய்யப்பட்டார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .