மகுடம் சூடிய ஏறாவூர் அப்துர் றஹ்மான்

அஸ்ஹர் இப்றாஹிம்

மர்ஹும்.ஐ.எம். சதாத் ஞாபகார்த்த வெற்றிக் கிண்ண தொடரில் அப்துர் ரஹ்மான் விளையாட்டுக் கழகம் சம்பியனாக மகுடம் சூடியது.

 ஏறாவூர் பொது விளையாட்டு மைதானத்தில் அண்மையில் நடைபெற்ற 20 ஓவர்கள் கொண்ட இந்த கிரிக்கெட் தொடரின் இறுதிப் போட்டியில் சில்வர் பிஸ் விளையாட்டுக் கழகத்தை வீழ்த்தியே அப்துர் றஹ்மான் சம்பியனானது.

இப்போட்டியில் முதலில் துடுப்படுத்தாடிய அப்துர் றஹ்மான் 20 ஓவர்களில் 7 விக்கெட்டுகளை இழந்து 242 ஓட்டங்களைப் பெற்றது. பதிலுக்கு 243 ஓட்டங்களை வெற்றியிலக்காகக் கொண்டு துடுப்படுத்தாடிய சில்வர் பிஸ் 20 ஓவர்களில் 9 விக்கெட்டுகளை இழந்து 176 ஓட்டங்களையே பெற்று 66 ஓட்டங்களால் தோல்வியடைந்தது

இறுதிப் போட்டியின் நாயகனாக 76 ஓட்டங்களைப் பெற்ற அப்துர் ரஹ்மானின் அணித்தலைவர் ஸயான் இர்ஷாத்  தெரிவானார்.