'விஞ்ஞான ஊக்கி' நூல் வெளியீட்டு விழா

எம்.எல் லாபீர்

யாழ். ஒஸ்மானியா கல்லூரியின் விஞ்ஞான ஆசிரியையான திருமதி.யோகேந்திரி சுகுந்தனின் 'விஞ்ஞான ஊக்கி'  தமிழ் மற்றும் ஆங்கிலம் ஆகிய இரு மொழிகளிலான நூல் வெளியீட்டு விழா ஞாயிற்றுக்கிழமை (19) யாழ். தேசிய கல்வியியற் கல்லூரி பிரதான மண்டபத்தில் பீடாதிபதி சதாசிவம் அமிர்தலிங்கம் தலைமையில் நடைபெற்றது.

நூலின் முதற்பிரதியை எஸ்.ஆர்.சத்தியேந்தன்பிள்ளையும் (ஆங்கிலம்), கலாநிதி திருமதி.ச.நாகேந்திரன் (தமிழ்), பீடாதிபதி சதாசிவம் அமிர்தலிங்கம், கல்விப்பணிப்பாளர் எஸ்.உதயகுமாரிடமிருந்து பெற்றுக்கொண்டனர்.

இந்நிகழ்வில், மாகாண கல்விப்பணிப்பாளர் செ.உதயகுமார் உரையாற்றும் போது, வடமாகாணத்தில் விஞ்ஞான பாட  பெறுபேறுகள் அதிருப்தி அளிக்கின்றது. யாழ். பல்கலைக்கழகத்துக்கு தென்மாகாண மாணவர்களின் வருகை அதிகரித்து காணப்படுகிறது. கடந்த காலங்களைப் போல் விஞ்ஞான பாடம் சிறப்பானதாக அமைய அனைவரது செயற்பாடும் அவசியமானதாகும் என தெரிவித்தார்.