கடல் அட்டைகளைப் பிடித்த மூவர் கைது

கனகராசா சரவணன்

மட்டக்களப்பு கல்குடா கடற்பகுதியில் சட்டவிரோதமாக கடல் அட்டைகளைப்  பிடித்துக் கொண்டிருந்த மூன்று மீனவர்களை நேற்றிரவு (11)  கடற்படையினர் கைது செய்துள்ளனர். 

கடற்படைப் புலனாய்வுப் பிரிவுக்குக் கிடைத்த தகவல் ஒன்றினையடுத்தே இக்கைது நடவடிக்கை இடம்பெற்றுள்ளதாகத் தெரிவிக்கப்பட்டுள்ளது. 

இதன்போது குறித்த மீனவர்கள் பயன்படுத்திய படகு, 65 கடல் அட்டைகள், ஒக்சிஜன் சிலிண்டர் மற்றும் ஏனைய கடல் தொழில் உபகரணங்களைக்  கடற்படையினர் கைப்பற்றியுள்ளனர்.

கைது செய்யப்பட்டவர்கள் கல்குடா பிரதேசத்தைச் சேர்ந்த மீனவர்கள் எனவும், இவர்களுக்கு எதிராக சட்ட நடவடிக்கை எடுக்கப்படவுள்ளதாகவும்  கடற்படையினர்  தெரிவித்தனர்.