மீன் பிடி உபகரணங்கள் வழங்கி வைப்பு

ஹஸ்பர் ஏ ஹலீம்

கிண்ணியா பிரதேச செயலக பகுதிக்குட்பட்ட மீனவர்களுக்கு வாழ்வாதாரத்தை மேம்படுத்தும் நோக்கில் மீன் பிடி உபகரணங்கள் நேற்று முன்தினம் (18) முஸ்லிம் எயிட் நிறுவனத்தின் அனுசரணையில் வழங்கி வைக்கப்பட்டன.

கிண்ணியா பிரதேச செயலாளர் எம்.ஏ.அனஸ் தலைமையில் காக்காமுனைப் பிரதேசத்தில் நடைபெற்ற இந்நிகழ்வில் 24 மீனவர்களுக்கு வள்ளம் வலை உள்ளிட்ட உபகரணங்கள் வழங்கி வைக்கப்பட்டன.

குறித்த நிகழ்வில் கிண்ணியா பிரதேச செயலாளர் எம்.ஏ.அனஸ்,கிராம உத்தியோகத்தர்கள்,பொருளாதார அபிவிருத்தி உத்தியோகத்தர்கள்,முஸ்லிம் எயிட் நிறுவன உத்தியோகத்தர்கள் என பலரும் கலந்து கொண்டனர்.