மீன் பிடித்தவரை இழுத்துச் சென்ற முதலை

கனகராசா சரவணன்

திருக்கோவில் பொலிஸ் பிரிவிலுள்ள சாகாமம் தாலிபோட்டாற்றில் மீன்பிடியில் ஈடுபட்ட மீனவர் ஒருவரை நேற்றைய தினம்  (01) முதலையொன்று  கடுமையாகத் தாக்கியதில் அவர் உயிரிழந்துள்ளதாகப்  பொலிஸார் தெரிவித்துள்ளனர்.

மண்டானை திருக்கோவில் 4 பிரிவைச் சேர்ந்த 55 வயதான  இராசநாயகம் விநாயகமூர்தி என்பவரே இச்சம்பவத்தில் உயிரிழந்துள்ளார் எனத்  தெரிவிக்கப்பட்டுள்ளது.

இந்நிலையில் உயிரிழந்தவரின் சடலம் பிரேத பரிசோதனைக்காக அக்கரைப்பற்று ஆதார வைத்தியசாலையில் ஒப்படைக்கப்பட்டுள்ளதுடன் இது தொடர்பான விசாரணைகளை திருக்கோவில் பொலிஸார்  மேற்கொண்டுவருவதாகத் தெரிவிக்கப்பட்டுள்ளது.