16 பேரில் ஒருவர் அரச ஊழியர்

கடந்த வருடத்துக்குள், பட்டதாரிகள் 10ஆயிரம் பேருக்கு அரச தொழில்வாய்ப்புகள் பெற்றுக்கொடுக்கப்பட்டுள்ளன.

அதனடிப்படையில் இந்நாட்டில் 16 பேருக்கு ஒருவர், அரச ஊழியராக இருக்கிறார் என, தேசிய கொள்கை மற்றும் பொருளாதார நடவடிக்கை இராஜாங்க அமைச்சு அறிவித்துள்ளது.  

இந்த நிலைமையை வலய நாடுகளுடன் ஒப்பிட்டுப் பார்த்தால், உயர்மதிப்பாகும். அதனூடாக பொருளாதாரம், சீரற்ற மைற்கல்லுக்கு வந்துள்ளது என்றும் அவ்வமைச்சு அறிவித்துள்ளது.  

வரிப்பணத்தால் உருவாக்கப்படும் பட்டதாரிகளை, அரச தொழில்வாய்ப்புக்காக மட்டுமே, உள்ளீர்த்துகொள்ளுமாறு குறுகிய அரசியல் நோக்கத்துடன் செயற்படும் சங்கங்கள் முயல்கின்றன.

ஆகையினால், பொருளாதாரத்தை மேம்படுத்துவதற்கும் பட்டதாரிகளை இணைத்துக்கொள்ளும் நடவடிக்கைகள் முன்னெடுக்கப்படும் எனவும்  இதனூடாக எதிர்காலத்தில் நாட்டுக்குள் உருவாகும் பொருளாதார முதலீடுகளின் ஊடாக, உருவாக்கப்படும் தொழில்வாய்ப்புகளுக்கு பட்டதாரிகள் இணைத்துக்கொள்ளப்படுவர் என்றும் அவ்வமைச்சு அறிவித்துள்ளது.