10 கி. கிராம் ஹெரோய்னுடன் ஒருவர் கைது

குளியாப்பிட்டிய பொலிஸ் பிரிவுக்குட்பட்ட, ஹெட்டிப்பொல வீதி கம்புராபொல பகுதியில், 10 கிலோ கிராம் ஹெரோய்னுடன் சந்தேகநபரொருவர் நேற்று இரவு (27) கைது செய்யப்பட்டுள்ளார்.

இதன் பெறுமதி 120 மில்லியன் ரூபாய்  என மதிப்பிடப்பட்டுள்ளது.

பொலிஸாருக்கு கிடைத்த இரகசியத் தகவலையடுத்து, மோட்டார் சைக்கிளில் பயணித்த குறித்த சந்தேகநபரை சோதனையிட்ட போது, 1 கிலோ கிராம் ஹெரொய்ன்  கைப்பற்றப்பட்டுள்ளதுடன், சந்தேகநபரின் வீட்டை சோதனைச் செய்த போது மேலதிக ஹெரோய்ன் தொகை கைப்பற்றப்பட்டுள்ளதாக, பொலிஸார் தெரிவித்தனர்.

கம்புராபொல பகுதி​யைச் சேர்ந்த, 27 வயது​டைய சந்தேகநபரே இவ்வாறு கைது செய்யப்பட்டுள்ளார்.