சனுக்க ரத்தவத்தை உள்ளிட்ட ஐவருக்கு பிணை

அரசாங்கத்தின் 4.2 பில்லியன் ரூபாய் பணத்தை மோசடி செய்தார்கள் என்ற குற்றச்சாட்டின் பேரில், நிதிக்குற்றப்புலனாய்வு பிரிவினரால் கைது செய்யப்பட்ட முன்னாள் அமைச்சர் அனுருத்த ரத்தவத்தையின் மகனான சனுக்க உள்ளிட்ட ஐவரையும் பிணையில் செல்வதற்கு கொழும்பு கோட்டை நீதவான் நீதிமன்ற நீதிபதி இன்று வெள்ளிக்கிழமை (21) உத்தரவிட்டார்.

சனுக்க ரத்தவத்தை, 300,000 ரூபாய் பெறுமதியான காசுப்பிணையிலும் 2 மில்லியன் ரூபாய் பெறுமதியான 3 சரீரப்பிணையிலும் விடுதலை செய்யப்பட்டுள்ளார்.