ஆர்ப்பாட்டக்காரர்கள் மீது தடியடி

முன்னிலை சோசலிசக் கட்சியின் தலைவர் குமார் குணரத்னத்தை விடுதலை செய்யுமாறு வலியுறுத்தி, கொழும்பு - புஞ்சிபொரளையில் ஆர்ப்பாட்டத்தில் ஈடுபட்டவர்கள் மீது தடியடி மேற்கொண்ட பொலிஸார், அவர்களை அங்கிருந்து கலைத்துவிட்டனர்.

புஞ்சிபொரளையில் அமைந்துள்ள குடிவரவு - குடியகழ்வுத் திணைக்களத்தின் முன்னால் ஆர்ப்பாட்டத்தில் ஈடுபட்ட ஆர்ப்பாட்டக்காரர்கள், பின்னர் அத்திணைக்களத்தின் கதவுகளை உடைத்துக்கொண்டு உள்ளே சென்ற நிலையிலேயே, அவர்களை கலைப்பதற்காக பொலிஸார் தடியடி மேற்கொண்டுள்ளனர்.

இந்த ஆர்ப்பாட்டத்தால், அப்பகுதியில் பாரிய வாகன நெரிசலும் ஏற்பட்டுள்ளமை குறிப்பிடத்தக்கது.