இலங்கை போக்குவரத்து சபையின் தலைவர் பதவி விலகத் தீர்மானம்

இலங்கை போக்குவரத்து சபையின் தலைவர் ரமால் சிறிவர்தன தனது பதவியை இராஜினாமா செய்யத் தீர்மானித்துள்ளார்.

இதற்கமைய தனது பதவி விலகல் கடிதத்தை போக்குவரத்து அமைச்சின் செயலாளர் எல்.பீ. ஜயமனியிடம் இன்று பகல் கையளித்துள்ளதாகத் தெரிவிக்கப்படுகின்றது.

இதேவேளை, போக்குவரத்து அமைச்சின் மேலதிகாரிகளின் அழுத்தம் காரணமாகவே இலங்கை போக்குவரத்து சபையின் தலைவர் ரமால் சிறிவர்தன பதவி விலகத் தீர்மானித்துள்ளாரென, இலங்கை போக்குவரத்து பணியாளர்கள், தொழிந்சங்கங்கள் தெரிவித்துள்ளன.