காரீய சுரங்கத்துக்குச் சென்ற 75பேர் திரும்பவில்லை

குருநாகல், கஹட்டகஹா பிரதேசத்தில் அமைந்துள்ள காரீயச் சுரங்கமொன்றுக்குள் சென்ற சுமார் 75பேர், 1,132 அடி ஆழத்தில் இருந்துகொண்டு உண்ணாவிரதப் போராட்டமொன்றில் ஈடுபட்டு வருகின்றனர்.

அவர்களுக்கு இதுவரை காலமும் வழங்கப்பட்டு வந்த புத்தாண்டுக்கான 15,000 ரூபாய் போனஸ் கொடுப்பனவை இம்முறை வழங்கவில்லை என்றும் அதனை வழங்குமாறு வலியுறுத்தியுமே அவர்கள் இந்த போராட்டத்தை முன்னெடுத்துள்ளனர்.

நேற்று மாலை முதல் முன்னெடுக்கப்பட்டு இந்த போராட்டத்தை, போனஸ் கொடுப்பனவு வழங்கும்வரை முன்னெடுப்பதாக அவர்கள் தெரிவிக்கின்றனர்.