சின்னம் குறித்து மந்திராலோசனை

-வா.கிருஸ்ணா

கருணா என்றழைக்கப்படும் முன்னாள் பிரதியமைச்சர் விநாயகமூர்த்தி முரளிதரனினால் உருவாக்கப்பட்டுள்ள ‘தமிழர் ஐக்கிய சுதந்திர முன்னணி’யின் சின்னம் குறித்து மந்திராலோசனையில் ஈடுபட்டுள்ளதாக அறியமுடிகிறது.  

இதேவேளை, இந்தப் புதியகட்சியின் மத்தியகுழுக் கூட்டம், இந்தவாரம் கூடவுள்ளது என்றும், சுமார் ஒன்றரை மாதத்துக்குள் கட்சியைப் பதிவு செய்வதற்கான நடவடிக்கைகளை நிறைவு செய்வதற்கு முன்னணி நடவடிக்கை எடுத்துள்ளதாகவும் அறியமுடிகிறது.

வடக்கு, கிழக்கை இணைத்து அரசியல் நடவடிக்கைகளை மேற்கொள்ளும் வகையிலேயே விநாயகமூர்த்தி முரளிதரன் தலைமையில், இந்தக் கட்சி உருவாக்கப்பட்டுள்ளது. இதன் அங்குரார்ப்பண நிகழ்வு, மட்டக்களப்பு மத்திய வீதியில் உள்ள போக்கஸ் விடுதியில், சனிக்கிழமை (11) இடம்பெற்றது.