’செல்பி எடுக்க முயன்று நேர்ந்த அபாயம்’

தியலும நீர்வீழ்ச்சியின் மீதேறி செல்பி புகைப்படம் எடுக்க முயன்ற இளைஞரொருவர், கால் வழுக்கி விழுந்ததில் காணாமல் ​போயுள்ளார்.

நீர்வீழ்ச்சியை பார்வையிடுவதற்கு வெளிநாட்டிலிருந்து வருகை தந்திருந்த குழுவொன்றுடன் குறித்த இளைஞனும் வருகை தந்துள்ளதாகவும் பின்னர் செல்பி புகைப்படம் எடுப்பதற்காக நீர்வீழ்ச்சியின் மேலே ஏறியுள்ள போது, வழுக்கி விழுந்துள்ளதாகவும் தெரிவிக்கப்பட்டுள்ளது.

இவர்  எல்ல பிரதேசத்தைச் சேர்ந்த, காயன் வீரசிங்க என்பவராகும்.

மேலும் காணாமல் போயுள்ள இவரை தேடும்  பணிகளில் பிரதேசவாசிகளும் பொலிஸாரும் ஈடுபட்டுள்ளனர்.