ஜனாதிபதி ரணில் தொடர்பில் எகிப்து நம்பிக்கை

இலங்கையை முன்னேற்றம் மற்றும் சுபீட்சத்திற்கு இட்டுச் செல்லும் ஜனாதிபதி ரணில் விக்கிரமசிங்கவின் ஆற்றலில் எகிப்து அரசாங்கம் நம்பிக்கை கொண்டுள்ளது என எகிப்து ஜனாதிபதி அப்துல் பத்தாஹ் தனது  வாழ்த்துச் செய்தியில் தெரிவித்துள்ளார்.

ஜனாதிபதியாக பதவியேற்றுள்ள ரணில் விக்கிரமசிங்கவிற்கு தனது மனமார்ந்த வாழ்த்துக்களை தெரிவித்துள்ள அவர்,இலங்கை மக்களின் எதிர்ப்பார்ப்பு, நம்பிக்கையை நிறைவேற்ற ஜனாதிபதி ரணில் விக்கிரமசிங்க முன்னெடுக்கும் சகல விடயங்களும் வெற்றியளிக்க வேண்டும் என பிரார்த்திப்பதாகவும் தெரிவித்துள்ளார்.

இரு நாடுகளின் பொதுவான நலன்களை முன்னெடுத்துச் செல்வதற்கும் மேலும் வளமான எதிர்காலத்தை உறுதி செய்வதற்கும் இரு நாடுகளுக்குமிடையிலான இருதரப்பு உறவுகளை மேலும் வலுப்படுத்த ஆர்வமாக இருப்பதாக எகிப்து ஜனாதிபதி தெரிவித்துள்ளார்.