துப்பாக்கிச் சூட்டில் ஒருவர் பலி

நிக்கவரெட்டிய பொலிஸ் பிரிவுக்கு உட்பட்ட, நாலகமுவ எனுமிடத்தில் இனந்தெரியாதவர்களால் மேற்கொள்ளப்பட்ட துப்பாக்கிப் பிரயோகத்தில், சிறிசெதமகவை வசிப்பிடமாகக் கொண்ட ஜானக பிரியந்த(37) என்பவர்; பலியாகியுள்ளதாக பொலிஸார் தெரிவித்தனர்.

இந்தச் சம்பவம் இன்று (10) பிற்பகல் 2:55க்கு இடம்பெற்றுள்ளது.

சம்பவத்துடன் தொடர்புடையவர் என்று கூறப்படும் அதே பிரதேசத்தை சேர்ந்த 43 வயதானவர், துப்பாக்கியுடன் கைதுசெய்யப்பட்டுள்ளார்.

கொடுக்கல் வாங்கலில் ஏற்பட்ட கருத்து முரண்பாடே இந்த துப்பாக்கிப் பிரயோகத்துக்கு காரணமென ஆரம்ப விசாரணைகளிலிருந்து தெரியவந்துள்ளது என்று பொலிஸார் தெரிவித்தனர்.