தெரிவுக்குழுவில் முன்னிலையாகும் முன்னாள் பொலிஸ்மா அதிபர் இளங்ககோன்

உயிர்த்த ஞாயிறு தாக்குதல் தொடர்பில் ஆராயும் நாடாளுமன்ற விசேட தெரிவுக்குழுவில் இன்றைய தினம் முன்னாள் பொலிஸ்மா அதிபர் என்.கே. இளங்ககோன் முன்னிலையாகவுள்ளார்.

இன்று காலை பத்து மணிக்கு ஆரம்பமாகவுள்ள, விசேட தெரிவுக்குழுவின் விசாரணை நடவடிக்கைகளில், பொலிஸ் விசேடப் படையணியின் கட்டளையிடும் அதிகாரி எம்.ஆர். லத்தீப், சட்டம், ஒழுங்குகள் அமைச்சின் முன்னாள் செயலாளர் பத்மசிறி ஜயமான்ன ஆகியோரும் முன்னிலையாகவுள்ளனரென, பிரதி சபாநாயகர் ஆனந்த குமாரசிறி தெரிவித்துள்ளார்.