தேசிய மக்கள் இயக்கத்தின் ஜனாதிபதி வேட்பாளர் இன்று அறிவிப்பு

ஜனாதிபதி தேர்தலில் தேசிய மக்கள் இயக்கத்தின் சார்பில் போட்டியிடவுள்ள வேட்பாளர் இன்று (29) அறிவிக்கப்படவுள்ளார்.

பல்வேறு சிவில் சமூக அமைப்புகள் அங்கம் வகிக்கும் தேசிய மக்கள் இயக்கத்தின் மாநாடு இன்று பிற்பகல் 1.30 மணியளவில் கொழும்பு சுகததாச உள்ளக அரங்கில் இடம்பெறவுள்ளது.

இந்த மாநாட்டிலேயே, தேசிய மக்கள் இயக்கத்தின் ஜனாதிபதி வேட்பாளர் அதிகாரபூர்வமாக அறிவிக்கப்படவுள்ளார்.

தேசிய மக்கள் இயக்கத்தின் ஜனாதிபதி வேட்பாளராக முன்னாள் இராணுவத் தளபதி ஜெனரல் மகேஸ் சேனநாயக்க பெயரிடப்படுவார் என்று உறுதிப்படுத்தப்படதாக தகவல் வெளியாகியுள்ளது.

எனினும், தமது வேட்பாளர் யார் என்பதை வெளியிட தேசிய மக்கள் இயக்கத்தைச் சேர்ந்தவர்கள் மறுப்புத் தெரிவித்துள்ளனர்.