’நிறைவேற்று அதிகார முறைமை ஒழிப்பது தேசத்துரோகம்’

நிறைவேற்று அதிகார முறைமையை இல்லாதொழிக்க முயல்வது, தேசத்துரோக செயற்பாடு என, நாடாளுமன்ற உறுப்பினர் அத்துரலிய ரத்தன தேரர் ​தெரிவித்துள்ளார்.

கொழும்பில் இடம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கும் போதே, அவர் மேற்கண்டவாறு தெரிவித்துள்ளார்.

அவர் மேலும் தெரிவிக்கையில்,

நிறைவேற்று அதிகாரம் கொண்ட ஜனாதிபதி முறைமையினூடாக, நாட்டின் ஒற்றுமை பாதுகாக்கப்படுவதாகவும் இந்நிலையில், அதை ஒழிக்க யார் முயன்றாலும், அது ஒரு தேசத்துரோக செயற்பாடாகவே கருதப்படும் என்றும் கூறினார்.

ஆகையால், நிறைவேற்று அதிகாரத்தை இல்லாமல் செய்ய முயல்பவர்களுக்கு எதிராக குரல் கொடுப்போம் என்று அவர் மேலும் கூறினார்.