பேஸ்புக்கில் வாக்குச்சீட்டு: வேட்பாளர் சிக்கினார்

கடந்த பொதுத்தேர்தலின் போது, தனக்கு வாக்களிக்கப்பட்ட வாக்குச்சீட்டுகளைப் படம்பிடித்து, தன்னுடைய பேஸ்புக்கில் பதிவேற்றம் செய்தார் என்ற குற்றச்சாட்டில், வழக்கொன்று பதிவு செய்யப்பட்டுள்ளது.

தேர்தல்கள் ஆணையாளர் மஹிந்த தேசப்பிரியவே, இவ்வாறு வழக்குத்தாக்கல் செய்துள்ளார்.

வன்னி தேர்தல் மாவட்டத்தில் கடந்த பொதுத் தேர்தலின் போது போட்டியிட்ட சிவபாலன் கஜேந்திரகுமாருக்கு வாக்களிக்கப்பட்ட யாழ்.மாவட்ட தபால் வாக்குச்சீட்டே, அவருடைய பேஸ்புக்கில் பதிவேற்றம் செய்யப்பட்டுள்ளதாக, அந்த முறைப்பாட்டில் தெரிவிக்கப்பட்டுள்ளது.

ஒரு வருடத்துக்குப் பின்னர் இவ்வாறு இடம்பெற்றாலும் அது தேர்தல் மோசடியாகும் என்றும் முறைப்பாட்டில் சுட்டிக்காட்டப்பட்டுள்ளது.

கொழும்பு, அளுத்கடை நீதவான் நீதிமன்றத்திலேயே இந்த முறைப்பாடு செய்யப்பட்டுள்ளதுடன், இது தொடர்பான விசாரணைகள் பின்னர் எடுத்துக்கொள்ளப்படவுள்ளன.