போத்தல் வீசியவர் கைது

கோட்டை நீதவான் நீதிமன்றத்திற்கு அருகில் செவ்வாய்க்கிழமை (26) கடமையில் இருந்த பொலிஸ் அதிகாரி ஒருவர் மீது தாக்குதல் நடத்திய சம்பவம் தொடர்பில் கொழும்பு குற்றப்பிரிவு (CCD), முன்னாள் நகர சபை உறுப்பினர் ஒருவரை கைது செய்துள்ளது.

கைது செய்யப்பட்ட நாகொடையைச் சேர்ந்த 52 வயதுடைய சந்தேக நபர், கோட்டை நீதவான் நீதிமன்றத்தில் ஆஜர்படுத்தப்படுவார் என்று பொலிஸார் தெரிவித்தனர்.

முன்னாள் ஜனாதிபதி ரணில் விக்கிரமசிங்கவுக்கு எதிராக வழக்கு, அன்றையதினம் கோட்டை நீதவான் நீதிமன்றத்தில் விசாரணைக்கு எடுத்துக்கொள்ளப்பட்டபோது, நீதிமன்ற வளாகத்திற்கு அருகில்  எதிர்ப்பு நடவடிக்கைகளில் ஈடுபட்டிருந்தனர். அப்போது போராட்டக்காரர் ஒருவர் வீசிய போத்தலால் தாக்கப்பட்டதில் பொலிஸ் அதிகாரி காயமடைந்தார்