ரூ.70 இலட்சம் பெறுமதியான கேரளா கஞ்சாவுடன் ஐவர் கைது

அளுத்கம – தர்கா நகரில் – பதிராஜ​கொட பிரதேசத்தில் அமைந்துள்ள வீடொன்றிலிருந்து கேரளா கஞ்சா 30 கிலோகிராம் கைப்பற்றப்பட்டுள்ளதுடன் சந்தேகநபர்கள் ஐந்து பேர் கைது செய்யப்பட்டுள்ளனர்.

குறித்த கேரளா கஞ்சாவின் பெறுமதி 70 இலட்சம் ரூபாயெனத் தெரிவித்த பொலிஸார், இவை புத்தளம் பிரதேசத்திலிருந்து கொண்டுவரப்பட்டு களுத்துரையிலுள்ள வெவ்வேறு பகுதிகளுக்கு விநியோகிக்கப்படுவதாகத் தெரிவித்தனர்.

குறித்த சந்தேகநபர்களை இன்று களுத்துறை நீதவான் நீதிமன்றத்தில் சமர்பிக்க நடவடிக்கைகள் எடுக்கப்பட்டதாகவும் மேலும் தெரிவிக்கப்பட்டது.