ரோஹிதவின் திருமணத்தில் அர்ஜுன் அலோசியஸ்?

எதிர்க்கட்சித் தலைவர் மஹிந்த ராஜபக்‌ஷவின் இளைய மகனான ரோஹிதவின் திருமண வரவேற்பு விழாவில், மத்திய வங்கி பிணைமுறி விவகாரத்துடன் தொடர்புடையவர் என சந்தேகத்தில் கைதுசெய்து தடுத்து வைக்கப்பட்டு, அண்மையில் பிணையில் விடுதலை செய்யப்பட்ட, அர்ஜுன் அலோசியஸ் கலந்துக்கொண்டிருந்தாரென இராஜாங்க அமைச்சர் ரஞ்சன் ராமநாயக்க தெரிவித்துள்ளார்.

இன்று உயர்நீதிமன்ற வளாகத்தில் வைத்தே அவர் மேற்கண்டவாறு தெரிவித்துள்ளார்.

இது தொடர்பான தகவல் தனக்கு கிடைத்துள்ளதுடன், அர்ஜுன் அலோசியஸுடன் அவரது மனைவியும் ரோஹித ஜோடியுடன் இணைந்து எடுத்துக்கொண்ட புகைப்படமும் எதிர்வரும் நாட்களில் தம்வசம் கிடைக்குமென்றும் அவர் தெரிவித்துள்ளார்.

“ நான் பொறுப்புடன் கூறுகின்றேன். என் மீது வழக்குத் தொடருங்கள். இதனால் தான்  நாமல் ராஜபக்‌ஷ நாடாளுமன்றத்தில் அர்ஜுன் அலோசியஸ் பற்றி அதிகம் திட்டுவதில்லை.“ என்று ரஞ்சன் ராமநாயக்க தெரிவித்துள்ளார்.