விபத்தில் இளைஞர்கள் ஐவர் படுகாயம்

அப்துல்சலாம் யாசீம்

ஹொரவ்பொத்தான - கெப்பித்திகொள்ளாவ பிரதான வீதி வலியுபொத்தானப் பகுதியில் இன்று (29) பிற்பகல் இடம்பெற்ற விபத்தில் இளைஞர்கள் 5 பேர் படுகாயமடைந்துள்ளதாக, பொலிஸார் தெரிவித்தனர்.

குறித்த இளைஞர்கள் பயணித்த வான், வேகக்கட்டுப்பாட்டை இழந்து, மின் கம்பத்துடன் மோதியமையினாலேயே இவ்விபத்து இடம்பெற்றுள்ளதாகவும் காயமுற்ற இளைஞர்கள் ஐவரும், அநுராதபுரம் வைத்தியசாலையில் அனுமதிக்கப்பட்டுள்ளதாகவும் ஹொரவ்பொத்தான பொலிஸார் தெரிவித்தனர்.

ஹொரவ்பொத்தான, கிவுளக்கடைப் பகுதியைச் சேர்ந்த 18, 19, 22 வயதுடைய இளைஞர்களே இந்த விபத்தில் படுகாயமடைந்துள்ளதாகத் தெரிவித்த ஹொரவ்பொத்தான பொலிஸார், மேலதிக விசாரணைகளை மேற்கொண்டு வருகின்றனர்.