விபத்தில் பிக்கு உயிரிழப்பு

பன்னிபிட்டியவில் இன்று திங்கட்கிழமை (28) காலை இடம்பெற்ற விபத்தின் போது, பிக்கு ஒருவர் உயிரிழந்துள்ளதாக பொலிஸார் தெரிவித்தனர்.

கொட்டாவையை நோக்கி பயணித்துக்கொண்டிருந்த வானொன்று, வீதியை கடக்க முயற்சித்த பிக்குவை மோதியதாலேயே இந்த விபத்து ஏற்பட்டுள்ளதாக பொலிஸார் குறிப்பிட்டனர்.

தலங்கம-மாலபே பகுதியைச் சேர்ந்த விஹாரையொன்றின் பிக்கு ஒருவரே இவ்வாறு உயிரிழந்துள்ளார்.

எனினும் இந்த விபத்தை ஏற்படுத்திய சாரதி தப்பிச்சென்றுள்ளதாகவும் இது தொடர்புடைய விசாரணைகளை மேற்கொண்டு வருவதாகவும் பொலிஸார் தெரிவித்தனர்.